eisdem in expugnatione Soldani Babyloniae deberet
assistere toto posse. Qua confoederatione,
tanquam in sui perniciem inita,
Soldanus accinctus, praedictam gentem Barbaricam
Gohesminorum, per deserta vagantem,
et velut fera in saltibus ante venabula
fugientem, ad suae defensionis auxilium convocavit:
qui sibi reputantes oblatum
praesidium potius quam petitum, ad designata
loca subito, non minus taciti, quam celeres
pervenerunt, ut invisos hostes advenisse maturius
nostrorum vigilantia noverit, quam venturos.
Sicque factum est, ut Christianorum
exercitu, cum Soldanis praedictis, in finibus
Soldani Babyloniae, apud Gazam commorante,
Patriarcha Hierosolymitanus,
de partibus cismarinis, ad partes illas athleta
novus accessit. Quo superveniente perfidae
gentis metu de civitate Hierosolymitana,
una cum magistris domorum, et hospitalium
Militiae templi, et universis habitatoribus
civitatis ejusdem, tanquam de humano
praesidio desperatis, noctis silentio salubriter
procedentibus versus Ioppem, emenso jam fere
medietatis itineris spacio, ad cujusdam vanae,
seu potius callidae procuratae vocis auditum,
quae Gohesminorum natione devicta, securum
peregrinis et civibus reditum promittebat,
homines regionis et incolatus affectione