Iacobus Veronensis: Liber peregrinationis

I. PEREGRINATIONES ET INDULGENTIE

Pag. 8


habetur aqua. Tercia die. aqua in alto puteo. sed turbida est. Quarta die. aqua
in fovea argillea. Quinta die et sexta. non habetur aqua. Septima die. habetur
aqua in lapideo fonte. qui trahitur cum rota. Ibique sunt cisterne
bone apud eundem fontem. Die octava. non est aqua. Die nona. aqua est
in profundo lacu inter lapideos montes. Die decima et undecima. non est
aqua. Duodecima die. circa meridiem. venitur ad claustrum Beate Katherine.
ibique sunt monachi greci. In eodem templo. est in marmoreo scrinio
caput virginis Katherine. oleum. manus cum duobus brachiis. que videntur
et osculantur. ibique indulgentia a pena et culpa +. In eodem templo.
retro altare summum. est rubus Moysi. ibique discintis pedibus intratur:
indulgencia a pena et culpa +. Item. altero die. ascenditur usque meridiem
ad altum montem. ubi Dominus Moysi apparuit. virgam dedit et rubus
ostenditur. quem montem Dominus sanctificavit. et ibi est fovea. ubi
Helyas abscondit se: a pena et culpa indulgencia +. Item descenditur
usque meridiem. ubi venitur ad pulcrum ortum et vineam: deinde ascenditur
mons maximus et altissimus. Synay nomine. in vertice eius. quoniam
est lapideus. est sepulcrum virginis sancte Katherine. quod manus angelice
formaverunt. et in distantia vix sex pedum est locus. ubi Dominus dedit
Moysi legem in duabus tabulis lapideis: indulgencia a pena et a culpa +.
Item. in eodem monte. videtur Egiptus et Mare Rubrum. ubi Judei
pertransierunt. Item. ultra per unam dietam versus meridiem. est petra.
quam Moyses percussit virga: eciam de monte Syna revertitur ad claustrum
prenominatum. de eodem claustro usque Babilonem novam. ubi soldanus
moratur. et ad Alexandriam per sex dietas vel paulo plus revertitur: vel
ad Jherusalem per duodecim dietas per calles transitos revertitur: camelis
quidquid homo exponere debebit. bene informabitur. videatque. ut
habeat sumptus copiosos. alioquin deget indubitanter.

Torna all'inizio