quod solvere debuerint occasione ficti et incanti dictae
sostae et partitae ballarum et respondendi et gubernandi in
dicta sosta mercantias et ballas transeuntes per dictam vallem
Diverii secundum pacta et conventiones impositas et imponendas
per subscriptos consules et credentiarios dictae vallis. Et
haec omnia ad voluntatem suprascriptorum consulum et credentiariorum
dictae vallis et illorum qui pro tempore fuerint.
Et quod praedicti partitores qui sunt et qui pro temporibus
fuerint teneantur et debeant facere et reddere rationem ballarum
et partitae praedictae in manibus caneparii dicti comunis
seu illius qui per dictos consules et credentiarios dicti
comunis fuerit electus quotiescumque et quomodocumque dictus
caneparius, seu qui fuerit electus ut supra ab eisdem partitoribus
rationem praedictam petierit. Et quod dicti partitores
ut supra non audeant nec praesumant venire nec facere in aliquo
contra statuta et ordinamenta comunis et victuralium dictae
vallis Diverii pertinentia ad dictam partitam, nec locare seu
fraudare aliquas ballas seu mercantiam nisi sibi contingerit
pro sua volta et rata. Et quod dicti partitores non possint nec
debeant ducere seu duci facere ballam aliquam seu mercantiam
eis locatam ab aliqua persona per aliquem alium nisi pro
sua volta et roata contingerit ut supra. Et qui contrafecerit vel
fecerint contra praedicta vel aliquod praedictorum aliquo modo
cadant dicti partitores ut supra ab investitura et iure investiturae
dictae sostae praedictarum ballarum. Et quod consules
et credentiarii dictae vallis qui fuerint per tempora teneantur
et debeant eligere et imponere sub poena dicti sacramenti
debiti unum alium partitorem, unum et plures secundum
quod eis melius videbitur expedire. Qui regat dictas sostam et
partitam ballarutn et qui reddant et dent partitori qui incantaverit
dictam sostam et partiam ballarum pro qualibet balla in
foris imperiales vii et pro qualibet ballam intus imperiales sex.
Et ultra praedictam qui contrafecerit vel venerit in aliquo
praedictorum det et solvat pro poena et bano pro quolibet partitore
et pro qualibet vice libras decem imperiales. Cuius poenae
tertia pars sit curiae matarellae, tertia sit dicti comunis
et alia tertia accusatoris. Et quilibet fide dignus possit accusare.
Et ille qui fuerit partitor teneatur et debeat facere depositum
de libris decem imperiales in manibus suprascripti caneparii
antequam investiatur de dicta sosta et partita ballarum
a dictis consulibus et credentiariis et nihilominus partitor qui
incantaverit teneatur ad solutionem ficti et incanti sostae praedictae.
/*
|
|