Militianus miles regis ipse dominabat totam terram Siriae.
Dedit illi Dominus filium; posuit illi nomen Geminus, quia
geminator fuit in opere Domini, geminata talenta reportauit ad
Dominum suum. Anima eius semper intenta erat ad monasterium
aut sanctam ecclesiam.
Audientes Caldei de Sammaria, quod Militianus habebat mentem
in Domino et ipse dominabat totam Siriam, Calcedoniam uenerunt
in terram applicuerunt nauiculas et peruenerunt in terram
Siriae. Et despoliauerunt et depredauerunt, et reuersi sunt ad mare,
et steterunt ibi dies triginta, quia non inuenerunt nauiculas.
Audiens Militianus contristatus est nimis, iratus est ualde. Venit
ad filium suum Geminum et misit se ad pedes eius, postulans ei,
ut prestet adiutorium et impendat sibi auxilium. Et dixit ad filium
suum Geminum: «Fili dilectissime, terra mea depredata est
et ego uolo committere bellum aduersus eos, quia depredauerunt,
propter nomen Domini et propter captiuitatem populi, quoniam
melius est nobis mori in bello, quam uidere malas gentes communiter
habitare cum nostra». Respondit Geminus et dixit patri
|
|