Magnos ludos Romanos ludos appellabant, quos in honorem
Iovis, quem principem deorum putabant, faciebant.
Meltom meliorem dicebant.
Matrem Matutam antiqui ob bonitatem appellabant, et maturum
idoneum usui, et mane principium diei, et inferi di
Manes, ut subpliciter appellati bono essent, et in carmine
Saliari Cerus manus intellegitur creator bonus.
Minutum et minuere ex Graeco meioun dictum videri potest.
Minores et maiores inter cognomina feminarum poni
solebant.
Minam Aelius vocitatam ait mammam alteram lacte deficientem,
quasi minorem factam.
Minurritiones appellantur avium minorum cantus.
Minyae dicti Argonautae, quod plerique eorum ex filus minuae
fuerant orti.
Minucia porta Romae est dicta ab ara Minuci, qnem deum
putabant.
Minorem Delum Puteolos esse dixerunt, quod Delos aliquando
maximum emporium fuerit totius orbis terrarum;
cui successit postea Puteolanum, quod municipium Graecum
antea Dikaiarchia vocitatum est. Unde Lucilius (123): “Inde
Dicearchitum populos, Delumque minorem.”
Militem Aelius a mollitia kata antiphrasin dictum putat, eo,
quod nihil molle, sed potius asperum quid gerat; sic ludum
dicimus, in quo minime luditur.
Minerrimas pro minimo dixerunt.
Miniscitur pro reminiscitur antiquitus dicebatur.
Minerva dicta, quod bene moneat. Hanc enim pagani pro
sapientia ponebant; Cornificius vero, quod fingatur pingaturque
minitans armis, eandem dictam putat.
|
|