54

Ianuenses vicerunt, et unam galeam Ianuensium de iamdictis duabus galeis cum hominibus
prehendiderunt et navem ab eis cum magno vigore defenderunt; et sic Pisas ipso die kal.
Septembris cum honore redierunt.
A.D. MCLXXII, indictione v. Pisani tres galeas armaverunt, quarum capitanei et gomites
Gallus Taliapagani et Iacobus quondam Rambotti Cerini, et Alberigus Pasce Mosca
fuerunt; et usque in Sardineam navigaverunt, et duas naves Ianuensium super caput Albi
in alto pelago viderunt, unam de Callari et aliam venientem de Bugea, ad quas viriliter
iverunt, et eas fortiter pugnando prehendiderunt: que naves plus IIIIor milibus librarum
valuerunt. Et sic Pisas cum navibus et havere et L Ianuensibus, VIII kal. Novembris, redierunt.
A.D. MCLXXII, indictione v. Legati videlicet Albertus quondam Bulsi Consul, Burgundius
iuris prudentissimus atque Marcus comes, quos Pisani ad imperatorem Constantinopolitanum
mandaverant, quos Imperator cum magno honore recepit, et eis antiquum pactum
et conventum quod fuerat inter patrem ipsius et Pisanos complevit et firmavit; et Pisanos
quos de Constantinopoli expulerat, in Constantinopoli honorifice remeare fecit, et scalas
quas Pisani ibi habebant, in melius reformatas Pisanis restituit, et solemne totum quod per
XV annos tenuerat prefatis legatis in integrum restituit, quod sollempne erat bizantii D et
palia duo per annum, et bizantii XL et pallium uno archiepiscopi per annum, qui fuerunt
inter omnes octo milia CCCC bizantii et pallia XLV, Pisas cum tribus legatis Imperatoris,
iuris sapientibus, Theodosio, et aliis duobus cum magno honore V idus Novembris redierunt.
Qui per annos tres et dies tres steterunt; et in publico parlamento Pisani pacem cum iam
fatis legatis Imperatoris Idibus Decembris sequentes, die Sancte Lucie, iuraverunt et firmaverunt.
/*
A.D. MCLXXII, mense januarii. Cristianus Maghentinus archiepiscopus, legatus in Italiam,
rogatu et suasione et precibus Lucensium et Ianuensium, de Alemania venit Ianuam