prebere. Consulare enim officium ita legitime tractatur, si
consul iure ac legaliter tractat civilia iura ac publice ac
private rei civium omniumque sibi conquerentium causas
diligenter examinat. Condecens igitur est, o Uberte, te statum
consularem in Parmensi consulatu consulte atque discrete
agere, consulendi officium iustificando iustificandos,
dampnando dampnandos tractare, ut ante eterni iudicis
tribunal ad universale placitum in ordine sanctorum consulum
merearis illud Euge! audire: Venite, benedicti patris mei .
N
Diligenter discutiendum est, quid subditi prepositis
maximeque pastoribus debeant. Pastoribus est obtemperandum,
pastoribus famulandum, pastoribus suppliciter
suppeditandum; a quibus enim regenerationis baptisma, a
quibus sacrosancte oblationis, a quibus sancte ecclesie ac
clericis sacramentum consecrationis, a quibus pabulum vite
pro vigili tutela eorum omnium Sancto Spiritu secretius
operante distribui conceditur, eorum iure iussionibus obeditur.
Parmenses igitur Christicole, vos vestros pastores
obediendo reveremini, obtemperando miremini, suppeditando
veneremini, admirando magnificate, quatenus vos observando
apostolicum preceptum: Obedite prepositis vestris et
|
|