partes Italicas, tam magnifice quam potenter
accincti: praefatum Heinricum, sacro fonte
baptismatis tripudiali solennitate renatum, in
regno Siciliae loco nostri ac velut vultus et
potentiae nostrae speculum relictis sibi consiliariis,
de quorum consilio toto regno disponat,
provida nuper deliberatione praehabita, providimus
dimittendum facto in solenni Curia
generali mandato universis regni fidelibus ut
eidem, quem inter eos velut imaginarium personae
nostrae relinquimus, tamque personae
nostrae reverenter obediant, et intendant.
De cujus tam longa dilatione baptismatis, latere
vos nolumus, quod ad preces quorundam
amicorum nostrorum de papali Curia,
quas obaudire nescimus, et ipsorum consilio
fuerat hucusque dilatum, ut in reformatione
pacis inter nos et Romanam ecclesiam,
in cujus expectatione diutina nostra sunt et
multorum jam vota frustrata, eo manifestius
figna perpetui et constantis amoris
ostenderet, quo traderetur solennius summo
Pontifici baptizandus. Haec nos profecto vestrae
Serenitati describimus, ut quantum vobis
Magnificentia nostra placere desideret,
vestra Serenitas a parte conjiciat et qualiter inter
alios affines nostros, personam vestram tenerius
diligimus, argumentis evidentibus
apprehendat.