superciliorum loca inunge. Item pulvis ladani combusti cum oleo
vel melle idem facit, vel caro marina similiter operatur. Omnium
leguminum genera et cum frumentis pulverizata et cum oleo et
melle distemperata idem faciunt.
De rubore in facie. — Rubor in facie aliquanda de sanguine, aliquando
de colera fit, quandoque ex utroque commixto. Si fiat ex
sanguine, quod nimio rubore dinoscitur, adhibebis flebotomum vel
curas post occipitium; mulieribus autem sanguisugas apponas. Ex
colera vero, quod nimio splendore cognoscitur, ita succurrimus:
sandalos albos et rubeos cum camphora tere et cum aqua rosacea
distempera; deinde panno intincto sepe superpone.
De pustulis in facie. — Contingit quandoque ex colera et sanguine
pustulas nasci in facie, in quarum principio lapatium acutum
cum aloe tere et pone, vel argentum vivum cum axungia porcina,
vel scrofina exagitando commisce donec in unum corpus transeat.
Postea vero senetiones in tali axungia tritos in facie collocabis. Si
autem inveterate fuerint et dure, nisi eradicentur curari non poterunt.
Rumpas ergo ruptoriis, corrodas postea corrosivis fero usque
ad os; deinde consolidativis utaris et cum superius ruptoria
dicta sint ad presens tale componimus: auri pigmentum, ammoniacum,
git, panem porcinum, alumen rotundum, tere et gallico
sapone distempera et locis utere predictis. Notandum autem si
contingat pustulas ex sanguine ortas aperiri, esse saniosas, ex colera
vero generatas, propter siccitatem apertas, sine sanie
permanere.
De eodem. — Contingit nonnumquam minutas pustulas cum rubore
viris et mulieribus oriri. Statim tartarum in stupa madefacta
involutum nocte sub prunis, mane quidem nitido vase repone atque
per duas noctes sub divo manere sine; deinde cum eo faciem
line. Vel accipe calcem vivam et misce cum axungia gallinaceca vel
anserina et oleo roseo nostro, et ex inde faciem line quoad sanetur.
De eodem. — Si pustule fuerint albe, purga eos yoralogodion vel
theodoriton yperiston, et statim recedunt: et quia iste pustule multociens
adveniunt et recedunt, utaris ruptoriis et curas supradicta
disciplina. Vel tartarum, ut dictum est, in ignem dimitte, post in
malo terre concavo pone ad ignem et de tali pustulas unge et
liberabitur.
De coriza. — Decurrit humor flegmaticus ad nares et facit corizam.
Antique corize non assignamus curam, sed nove ita providemus:
Pulegium, olibanum in aqua bullias et capite velato fumigium
per os et nares attrahatur; hoc facto sternutatoria subsequenter
de elleboro albo vel euforbio vel staphisagria provoces.
De uva — Quandoque fluxus iste uvam gravat eamque jacere
facit. In principio utaris gargarismatibus, ut de sinapi trita et cum
aceto calido et melle permixta, vel de staphisagria, vel de piretro,
vel de olibano per se aut commixtim, ut de staphisagria aut
olibano vel qualibet aliarum. Caput etiam calidis unguentis inungues;
hoc facto, levabis uvam iacentem cum instrumento ligneo
|
|