de Saxonia, qui maximum exercitum secum duxerat, ad
eandem obsessionem Creme in die Lune, que fuit duodecimo
kalendas Augusti, venerat. Deinde sequenti quoque die Martis,
in quo fuit tunc festivitas sancte Praxedis, iam dicta domina
imperatrix relicto ibi ad obsessionem predicto duce Henrico
eiusque exercitu primum Laude venit. Laudenses namque
omnes, equites et pedites, masculi et femine parvulique etiam,
obviam euntes cum magno gaudio maximaque leticia eam
receperunt. Predictus vero dux Henricus ad obsessionem
remanens, ante portam de Planengo cum toto suo exercitu
sua castra firmavit. Papienses vero et ipsi inter portam de
Planengo et portam Serii cum suis tentoriis se posuerant.
Imperatrix itaque cum per plures dies Laude stetisset, deinde
ipsa recedens Verugam perrexit.
Postea namque dux quoque Guelfus de Bayguera cum
suo exercitu ad obsessionem Creme veniens, imperator locum,
in quo primum ante portam Serii hospitatus fuerat, ipsi duci
Guelfo penitus dereliquit; et ex hac parte Serii veniens intra
portam de Rivolta et portam de Umbriano per medium
|
1
5
10
15
|