refutavi et deinceps me quiescere et continere ab ea fideli
sponsione promisi.
Tunc illi magis congruo huic monasterio in futurum utentes
consilio, pro hoc peccato hanc michi indixerunt pęnitentiam, ut
pręfati Cluniensis monasterii sanctam consuetamque religionem
in hoc nostro monasterio introducerem, et proutcunque plenius
valerem iuxta huius loci possibilitatem facerem retinere. quam
iussionem, a nostris ortatus pręcipuis senioribus, tamquam ab ore
divino ab eis suscepi, et viriliter atque constantissime studui perficere.
unde pręsente venerabili sanctissimoque episcopo A. sanctę
Romanę ęcclesię et pręfatis patribus omnique nostro religioso
conventu, statuimus et confirmamus ut eandem predictam religionem
Cluniensis monasterii in officiis ecclesiasticis et dignis
moribus et confratrum cultu vestium sive copia victus cottidie et
in sanctis sollemnitatibus, in quantum huius loci possibilitas Deo
administrante exigerit, in hoc monasterio deinceps sagacissime et
constantissime teneamus et omnimodis observemus, et a nullo
nostro successore vel huius monasterii pręlato in quoquam destruatur
aut transgrediatur. quam vero nostram constitutionem ut
omnis noster conventus voluntarie suscipiat et libentissime observans
per omnia custodiat, confirmantes sancimus eius regimini
omnes mortuorum totius abbatię oblationes et decimas, et molendinos
totius alvei Pharphę, et manualia Tornarię et Granicę ac
Sancti Viti, et gualdum Catini cum gualdo circuitus huius loci.
Quę omnia si quis abbas aut pręlatus vel subditus causa tyrannicę
damnationis aut favore sublimitatis secularis destruere aut
in aliquo minuere quocumque ingenio pręsumpserit, vel consilium
dederit, aut submissionem fecerit, pręlatura eius deficiens ad nichilum
deveniat, et in iram incurrat Dei omnipotentis donec
vixerit sub perpetuo permanens anathemate, et in tremendo iudicio
cum Iuda sacrilego et Dei traditore ęternam recipiat damnationem
nisi digne penitens emendaverit, et nisi forte aut fratrum
imbecillitas vel loci impossibilitas sive temporis aliquid remitti
|
|