Anno domini M.CCCI, die veneris XIV februarii supradictus dominus cardinalis comes Romandiolae,
dum esset in civitate Ravenne, fecit parlamentum generale in loco ubi dicitur Canaçosia,
qui locus est in confinibus districtus Faventie et districtus Ravenne. Et in ipso parlamento
fuerunt domini Federicus comes filius comitis Guidonis de Monte Feltro capitaneus Cesene, cum
anbaxatoribus ipsius civitatis, dominus Maghinardus Paganus capitaneus civitatum Forlivii,
Faventie et Imole, cum anbaxatoribus ipsarum. Et ibidem proposuit de faciendo pacem et
concordiam generalem et specialem in dicta provincia Romandiole.
Anno domini M.CCCII, die lune XXVII mensis augusti, dominus Maghinardus de Sosenana
capitaneus Imole et Faventie occubuit in civitate Imole…………………………………………….
Anno domini M.CCCIII………………………………………………………………………
Eo vero anno marchio de Feraria congregavit maximum exercitum militum, peditum et
balistariorum undecunque; propter quod comune et populus Bonomie, timens ne ipse marchio vellet
aliquid innovare in preiuditium comunis Bononie, similiter fecit comune Bononie maximum exercitum
militum et peditum, et fecit venire ad civitatem Bonomie omnes de comitatu Bononie, et requisiti
fuerunt, ex parte populi bononiensis, Forlivienses et Faventini ac Imolenses, cum eorum complicibus,
ut se unirent cum comuni Bononie, vigore conventionis adiuvandi facte ad invicem.
Qui dicta de causa iverunt Bononie, et facti sunt sindici a prefatis comunitatibus cum anbaxatoribus
solenpniter faciendis. Et, die iovis, ad petitionem populi et comunis Bononie, iverunt
Imolam CC milites de Faventia, die sabati VI aprilis, et centum postea comunis Faventie iverunt
Imolam, et ibi steterunt in civitate Imole. Et, die veneris, equitaverunt Imolam milites de
Faventia, deputatis aliquibus ad custodiam civitatis Faventie. Et deinde equitaverunt omnes
predicti milites, qui erant Imole, versus civitatem Bononie, ubi honorifice recepti fuerunt, et
ibi steterunt usque ad diem lune. Et demum equitaverunt omnes predicti; et milites de Faventia
exierunt de civitate Bononie et redierunt Faventiam propter rumores, quos audiverunt esse in
civitate Faventie. Et, in civitate Bononie, contracta fuit societas et liga cum solenpnitatibus
opportunis inter comune Bononie, Imole, Faventie, Forlivii et amicos et conplices eorum et Pistorienses
intrinsecos et Blanchos de Florentia. Et facte fuerunt promissiones hinc inde per sindicos
speciales uniuscuiusque terre.
Item, eodem anno creati sunt potestates civitatis Faventie dominus Franciscus condam domini
Thebaldi de Ordelaffis et dominus Lanbertucius condam Iohannis de Argugliosiis, omnes de
Forlivio.
Item, eodem tenpore, convenerunt ad invicem, in civitate Faventie, anbaxiatores solenpnes de
civitate Bononie, Imole, Forlivii, Blancorum exteriorum de Florentia et de civitate Pistorii et
eorum sequacium, et ibidem pluribus diebus steterunt, et fecerunt eorum ordinamenta pro liga
et societate sua tutanda et defendenda. Et elligerunt unum capitaneum generalem totius lige
et societatis predicte, qui fuit dominus Salinguerra condam Petri Taurelli nati domini Salinguerre
de Feraria, et idem capitaneus venit Faventie die XXVII aprilis, et die II maii iuravit ].
…………………………………………………………………………………………..
…. insultantes predictos Guidonem de Glauçano et filios suos et eorum sequaces, qui erant
|
|