Benedicti de Ursa, et Iohannis Theodori, a tertio latere carbonaria
antiqua et vinea deserta heredum cuiusdam Sergii maioris, et in
ipso latere vinea Stephani Zeldonis, a quarto latere terra quam
detinet Beati Petri apostoli ęcclesia, quę ponitur inter Duos Ludos,
iuris cuiuscumque esse dinoscitur. et portionem suam de terris
sementariciis in fundo Oriali, inter consortes parentum eorum vel
aliarum partium, traús fluvium Tyberim. et pratum ad modia
duo in fundo Prato Publico. et terram sementariciam ad modium
unum in Ampitheatro. et modium unum in fundo Abenza.
et terram semen tariciam in fundo Pensioni. et concesserunt in
hoc monasterio, sicut antea concesserant in ęcclesia Sancti Adriani,
terram sementariciam cum verialibus et padulectis et criptis in
fundo Persiceta infra consortes suos. et vinearum petias tres in
fundo Ferrata, et terram vacantem in fundo Noceri, et vinearum
rasules .IIII., et terram ad modia duo tritici in fundo Mercorano,
et ad modia tria in fundo Cesarano Caldanę, et terram in fundo
Aquacombi, et terram in tribus locis in fundo Fortinulo, et modium
.I. in fundo Vallis Longę, et modium .I. in fundo Sentiano,
et terram sementariciam in fundo Cassano, et sedimen terrę ad
casam faciendum foris muros civitatis Tiburtinę, et medietatem
domus antiquę cum parietinis suis intra civitatem Tyburtinam in
regione Vicus Patricii. item, quidam Petrus comes filius Guinisii
comitis dedit et tradidit in monasterio Sanctę Marię in Minione,
quod est cella huius monasterii, unam ęcclesiam Sancti Angeli
prope Corgnitum cum mille quingentis perticis de terra ad
perticam pedum .XII. Liutprandi regis, cum arboribus et omni
accessione sua super se habente.
Cum autem resideret quodam tempore in territorio Marsicano
in villa Transaquas, in ipsa turre, Oderisius comes filius Rainaldi
comitis pro iustitia facienda cum iudicibus et bonis hominibus,
venit domnus Hugo abbas cum Tebaldo filio Adelberti de supradicto
Marsi advocato suo, et querelatus est adversus Rainaldum
comitem de ęcclesia Sancti Leucii in territorio Marsicano supra
|
|