Innocentius epitcopus servus servorum dei. et ponatur
tota epistola papalis.
Et ita semper fieri debet in primis litteris citacionis.
Finita quidem epistola ita procedat orator: Jdeoque
paternitati vel fraternitati vestre vel tue — vel discrecioni
vestre vel tue, vel tibi vel vobis — mandamus, ut
tertia feria proxima parati et instructi ad respondendum
secundum iusticiam nostro vos conspectui presentetis.
Vel aliter: mediator dei et hominum summus pontifex
causam etc.
Vel placuit vicario Christi et magistro katholice fidei,
vel mediatori dei et hominum — vel : placuit illi qui habet
plenitudinem potestatis, vel : placuit santitati sedis apostolice,
vel : placuit apostolice sanctitati — conmittere nobis
vel mihi causam etc.
Et est notandum, quod in primis citatoriis litteris ex
parte iudicum precipere non debet poni nisi in casu forte
quia non postulat ordo iuris.
De secundis citatoriis regulariter variatis.
Significamus vel intimamus vel notum facimus fraternitati
vel discrecioni vestre vel tue, vobis vel tibi, quod summus
pontifex nobis causam que vertitur inter vos et actrebacensem
canonicam audiendam conmisit.
Vel : Qualiter summus pontifex vel dominvs papa
causam que vertitur inter vos nobis audiendam conmiserit
et fine debito terminandam, aperte novistis.
Unde si miramur, non est mirum, quod ad statutum
vel prefixum terminum non venistis, neque alicuius inpedimenti
causam per aliquem responsalem allegare curastis.
Quare vobis precipendo mandamus — vel vobis auctoritate
domini pape ac nostra, vel auctoritate legacionis qua
fungimur, vel delegacionis, vobis districte precipiendo mandamus,
vel sub pena beneficii et officii vel sub interminacione
anathematis iubemus — quatinus in tali termino
parati et instructi ad iusticiam faciendam et recipiendam
apud talem locum vel in tali loco nostro vos conspectui
presentare curetis.
Alioquin in vos sententiam tanquam in contumaces
feremus, vel non differemus ulterius promulgare.
|
|