3. AMBROS. Finis autem praecepti . Dividens illa
quae conveniebat praecipere eis, et a quibus se cohibere
debuerant, inquit: Finis praecepti est
charitas .
4. AUGUST. (serm. 39 De tempore , tom. X). Finis
autem . Quid est autem praecepti finis, nisi praecepti
adimpletio? Et quid est praecepti adimpletio, nisi
legis plenitudo? Quod ergo ibi dixit: Plenitudo legis
charitas , hoc etiam hic dixit: Finis praecepti est
charitas .
5. LANFR. Finis autem praecepti . Praecepti, id est,
praeceptorum, quorum finis est charitas, id est,
dilectio Dei et proximi. Sicut in Evangelio: In his
duobus mandatis tota lex pendet et prophetae .
6. AUGUST. (lib. I De doct. Chr ., cap. 40, tom. III).
Charitas de corde . Cum enim diceret charitas, addidit
de corde puro, ut nihil aliud quam in quod
diligendum est diligatur. Conscientiam vero bonam
subjungit propter spem. Ille enim se ad id quod
credit et diligit perventurum esse desperat, cui
malae conscientiae inest scrupulus. Tertio et fide ,
inquit, non ficta ; si enim fides nostra mendacio
caruerit, tunc et non diligimus, quod diligendum
non est, et recte vivendo id speramus, ut nullo modo
fides nostra fallatur.
7. AMBROS. Scimus autem quia bona . Ne videretur
legem incusare, hoc dixit.
8. Sciens hoc . Ne videatur conversationem legis
iterum introducere.
9. AUGUST. ( expos. Ep. ad Galat ., cap. II, tom.
IV). Lex non est posita . Deo vivit, qui sub Deo est;
legi autem, qui sub lege est. Sub lege autem vivit,
in quantum quisque peccator est, id est, in quantum
|
|