aliis suggerere, populum quoque tibi conmissum
uerbis et operibus iugiter non instruere sed fedare, audiuimus.
Ut igitur super quibus criminaris et a populo diffamaris
te uel expurgare uel canonum precepta subire ualeas,
ad nos pridie kalendas augusti uenire ne differas.
Ad pastorem ab uno episcopatu ad alterum pro
ordinatione.
Pastoralis uestre dignitatis curam non ingnorare credimus,
nostram iam dudum ecclesiam proprio pastore orbatam
omni fore destitutam.
Quod uestri honoris excellentiam et pietatis affectum
uestrorumque similium nobis subuenire, consilium auxiliumque
tribuere, suggerit impellit et ratione coegit.
Hos itaque clericos uestre presentie mandamus, ut
secundmn istius nostri confratris arbitrium, presentiarum
litterarum portitoris, suo quemque ordine conpetenter
promoueatis.
Bononienses Ferariensis.
Nostrorum antiqua parentum dilectio, terrarum propinquitas,
et locorum coniunctio exigit, nos insidias dolositates
atque discordiam a nobis repellere, cautelam simplicitatem
et unanimitatis concordiam nobis uicissim adiungere. quanto
enim paruo terrarum spatio sumus uiciniores, tanto offense
uel damno acriori utilitati ac remunerationi esse possumus
inpensiores.
Quapropter pro uestra recuperanda amicicia uobis mandamus.
quam ut in uita constanter teneamus, utriusque partis
offensas emendari studeamus.
Ad episcopum.
E dei gratia Romanorum imperator augustus Ytalie
fidelibus salutem et gratiam.
Omnibus deum colentibus christiane religionis et fidei
regula degentibus manifestum esse credimus, nostre clementie
imperium et christianitatis patrocinium Romanorum regno
diuino munere presidere, naturali quoque iure ac precessorum
prudentia, humane uel diuine strenuitatis seu uoluntatis
antiqua potentia uniuerso orbi dominari debere.
|
|