Gregorius de Catino: Chronicon Farfense

Pag 95


anno Deo propitio pontificatus domni nostri Benedicti sanctissimi VIII papę
sedentis primo, [in mense et indictione suprascripta .XI.]
Orta est autem litis intentio inter Guidonem abbatem et
Buccionem filium Gunzonis de ęcclesia Sanctę Columbę cum vineis,
terris atque silvis et omnibus per circuitum eius positis
quam idem abbas in hoc monasterio acquisivit per cessionem
venditionis a Tederada et Albino eius filio et Farulfo ipsius genero
et quiete detinuit suis manibus, in cuius terram suprascriptus
Buccio per audaciam et vim introivit et iniuste cępit eam
detinere ad suum opus. tunc venit suprascriptus abbas et proclamavit
ad domnum Benedictum pontificem. qui iussit inde
fieri lex ante pręsentiam Alberici consulis et ducis et legumlatorum
iudicum. ubi interrogatus Buccio quid vel quomodo sibi
pertineret, nesciebat quid respondere. deinde proprio ore confessus
est quod nichil sibi pertinuisset, nisi tantum quod iniuste
et per vim usque nunc detinebat. ad hęc magnum placitum
cecidit super ipsum, ita ut quater ipsam vineam et terram componere
deberet propter vim quam exinde gessit. tunc studio
domni Alberici ducti sunt ad bonam concordiam, et refutavit
suprascriptus Buccio omnes ipsas res ad suprascriptum abbatem
et in hoc monasterio usque in perpetuum, et obligavit se suosque
hęredes, si litem removerent, pęnam componere auri optimi
librarum .III.
Gregorius autem nobilis vir filius Ursi pręsbyteri qui dictus
est Bene Passia, seu Bona contulerunt in hoc monasterio casales
duos foris pontem Salarium miliario plus minus decimoquinto

Torna all'inizio