III
Versus Paolini
de Herico Duce
1. Mecum Timaui saxa nouem flumina
flete per nouem fontes redundantia,
quae salsa gluttit unda ponti Ionici,
Istris Sausque, Tissa, Culpa, Marua,
Natissa, Corca, gurgites Isoncii.
2. Hericum mihi dulce nomen plangite,
Sirmium, Pola, tellus Aquileiae,
Iulii Forus, Cormonis ruralia,
rupes Osopi, iuga Cenetensium,
Astensis humus ploret et Albenganus.
3. Nec tu cessare, de cuius confinio
est oriundus, urbs diues Argentea,
lugere multo grauique cum gemitu.
Ciuem famosum perdidisti nobili
germine natum claroque de sanguine.
|
|