Lanfrancus Ticinensis: In omnes epistulas Pauli commentarii, cum glossula interiecta

Pag 262


esse participem, vel persuasorem circumcisionis, ut
pseudoapostoli. Vel ideo anathematizo, quia non
suadeo, ut hominibus velim placere: et hoc sub
interrogatione ita: An quaero hominibus placere?
22. Notum enim vobis . Ad hoc respondet, quod
superius dixit: Non ab hominibus, neque per
hominem
.
23. Neque enim ego . Quasi diceret: Homo me
non docuit, quia ego non didici ab homine.
24. Audistis enim . Exponit qualiter Evangelium
acceperit per revelationem Jesu Christi.
25. AMBROS. Audistis enim . Dicendo de lege qualiter
desudaverat, ostendit quoniam legem non sprevit,
sed quod melius est cognovit et elegit.
26. Supra multos . Bene coaetaneos. Hoc enim
majus si juvenibus vehementior videbatur.
27. AUGUST. ( ibid. ). Aemulator existens , id est,
imitator traditionum, quae erant contrariae Ecclesiae.
Lex enim spiritualis est; multa autem tradiderant
dissolventes mandata Dei propter traditiones suas.
28. LANFR. Cum autem placuit . Probat quia non
accepit Evangelium ab homine; nam neque post
conversionem, nec ante conversionem. Ante conversionem
non accepi ab homine, quia impugnabam
illud quod audistis. Post conversionem non accepi,
quia neque statim, quod est: non acquievi , nec post
tres annos
, nec post quatuordecim ; post aliud tempus
constat. Removet illas partes de quibus
suspicabatur.
29. AUGUST. ( ibid. ). Cum autem placuit . Segregatus
de utero matris quodammodo quisquis a carnalium
parentum consuetudine caeca separatur.
Acquiescit autem carni et sanguini quisquis carnalibus
propinquis carnaliter suadentibus assentitur.
30. AMBROS. Non acquievi . Non dicit Apostolus:
sed neque hominibus, sed: carni et sanguini; et
dixit: statim non exposui; exposuit enim postea
illis.

Torna all'inizio