quamvis se inde tunc non multum fore mestum demonstravit,
tamen multum graviter suscepit; atque ultra, quam fari nec
etiam cogitari possit, in pectus ipsius omniumque suorum
fidelium ascendit.
Interea igitur, dum hec in Longobardia a Longobardis sic
agitabatur, Rainaldus, Colonie archiepiscopus electus et qui
etiam imperatoris archicancellarius fuerat, atque Christianus
imperatoris tunc cancellarius et comes Rubertus de Baxavilla
atque comes Macharius et Braibenzones, qui multum
erant fortissimi, aliique etiam principes Tuscie et ipsi cum
eorum exercitu in Romania apud Toscolanum fuerant;
videlicet, sicut in veritate mihi ab his, qui in ipso exercitu
fuerant, relatum fuit, inter omnes Teutonicos atque Longobardos
seu etiam Tuscios, qui in ipso exercitu apud Toscolanum
tunc fuerant, non erant mille equites. Dux quoque Fredericus,
regis quondam Conradi filius, homo pulcer, multum fortis et
sapiens atque ingeniosus, et ipse cum suo exercitu in illis etiam
partibus manebat, sed tamen tunc cum predicto archiepiscopo
apud Toscolanum non fuerat.
|
1
5
10
15
|