XCVII.
Acceptat officium predictum.
Magnificentie vestre litteras fideli vestro noviter destinatas
et nuntium deferentem easdem, recipiens ad honorem
vestri nominis reverendi, ad officium sigilli Mantue faciendum
in termino constituto veniam iusta vestrum beneplacitum
et mandatum, paratus semper ea facere, que dominationi
vestre debeant complacere.
XCVIII.
Responsio non venientis ad quod fuerat electus.
Circa responsionem vestre dominationi laudabili faciendam
respectus duplex mihi duplicem viam prestat. Nam ex
una parte honorabilitatem officii ad quod electum me dicitis
considerans et profectum, inducor illud recipere vehementer.
Ex opposito quidem inspiciens scientie magnanimitatem, quam
lucri causa dimittere oportet, debita ratione compellor renuere
quod offertur. Unde nihilominus predicta gratia nobilitati
vestre grates referens copiosas, officio renuntio memorato,
prudenter existimans sapientie thesaurum cunctis divitiis
preponendum.
XCIX.
Reges Francie et Anglie offerunt auxilium domino pape.
Sanctissimo patri et cet. A. et B., Dei gratia Franchie et
Anglie reges illustres, debite reverentie famulatum. In nobis
ipsis considerantes attentius, quomodo in honore nobis a
subditis exhibito delectamur, lucida colligimus veritate
quanta sit honorabilitate sancta ecclesia preferenda, que ab
illo retinet principatum, qui est dominantium dominus et princeps
|
|