60

Vendebatur sextarium grani a sex sol. usque in octo et in XVIII, sextarium milii a solido in
VII et in XII, fabarum a solidis IIIIor usque in VI et in X, sextarium pesorum a sol. V usque
in VIII, ordeum a sol. IIIIor usque in X, sagina a triginta duobus denariis usque in IIIIor et
VIII solidos, spelda sol. IIIIor, ciceri a sol. IIIIor usque in VIII, castanee a sol. VI usque in
XII, barilis vini a quattuor sol. usque in VIII et in XV, libra olei a sol. III usque in V, libra
mellis a sol. III usque in XI, libra argenti lib. VII, miliarium variorum lib. XLV, parium pellium
variorum libr. VII et XII; parium pellium coniculorum sol. LX et C. Canna scherlatti libras
V et in VIII, libr. piperis sol. II, libr. cere den. XVI: et sic per ordinem suo genere queque
alia vendebantur.
A.D. MCLXXV, indictione VII. In consulatu Cerini iudicis, et Amithi Vicecomitis
et sociorum, facta est pax et securitas cum comite Machario et filiis eius, et cum illis de
Sancto Miniato; et Pisani et Florentini homines Sancti Miniati, qui erant dispersi in castrum
Sancti Miniati honorifice restituerunt. Unde Lucenses magnam habuerunt tristitiam. Eodem
anno, Tepertus de Glacia, magna progenie ortus et Pisanus civis, instigatu diaboli, pridie
kal. Aprilis, laqueo se suspendit.
A.D. MCLXXV, indictione VII. Supradicti Consules, mense Madii, miserunt duas galeas
in Sardineam cum duobus Consulibus, Pane et Porro videlicet et Carone, et sapientibus
pro ea recuperanda, quia Ianuenses partem Sardinee invaserant, et eam recuperaverunt. Iudices
omnes et Sardi pacem cum Pisanis fecerunt, et omnia precepta Pisanorum Consulum, et
omnia deveta a Pisanis Consulibus facta et inposita, et Pisanos sanos naufragosque salvare,
sacrosanctis evangeliis firma tenere et observare iuraverunt. Hec audientes, Ianuenses sex
galeas armaverunt, et usque in Sardineam supra Bosam navigaverunt, et Pisanorum galeas
predictas revertentes, in fugam converterunt; et unam ex eis in mari cum hominibus XVII
kal. Iulii, die Sancti Viti, cepere. Alia vero cum iam dictis Consulibus et sapientibus Pisas
rediit. Parum autem antea, Ianuenses cum VI galeis unam magnam navem novam quam
Pisani in Gaulo, sub fidantia marchionis, fecerant, cum eodem marchione, rupto fidantie
federe, cremaverunt.
Eodem anno, Romanorum legati, X kal. Septembris, Pisas venerunt pro confirmanda
pace cum Pisanis; quem comes Gerardus et Ugo Rolandi iudex, legati Pisanorum, cum
eis amicali conventione composuerant, et sic pax firmata est.
A.D. MCLXXV. Due Pisanorum galee, mediante Madio, navigaverunt in Provinciam,