novorum, in stario vero frumenti duos soldos ad starium
Mediolanensem. Quocirca Mediolanenses considerantes se
minime tot habere victualia, quod usque ad novas segetes
vitam possent producere, scientes etiam imperatorem adeo
fore constantis animi, quod usque ad longeva tempora non
cessaret et ipsos opprimere, donec Mediolanum haberet in sua
potestate, consilium habuerunt inter se, utilius fore cum
imperatore ad ipsius placitum pacem componere sibique de
offensis satisfacere ac ab eo misericordiam implorare, quam
ulterius in tantis angustiis et necessitatibus consistere.
Legatos itaque Laude ad imperatorem mittunt, quibus
denunciant ei, se velle pro honore ipsius murum civitatis et
fossatum a sex partibus demoliri et potestatem recipere per
eum. Imperator autem habito consilio suorum principum
et Cremonensium ac Papiensium, Novariensium quoque
et Cumensium atque Laudensium et aliarum civitatum ac
principum Longobardie legatis respondit, se minime recipere
Mediolanenses, nisi sub eo se ponerent omnifariam
|
1
5
10
15
|