Marchia, deinde in Tuscia et Romania singulas civitates
perambulans, sua solercia eximia omnes civitates et principes
Marchie et Tuscie atque Romanie ad imperatoris amorem
et obsequium mirabiliter placavit ac ad honorem domini
pape Victoris quosdam episcopos ei rebelles deposuit, aliis
in eorum locum subrogatis.
Deinde quoque misit in Ytaliam clarissimus imperator
quasi circa festum sancti Andree dominum Hermanum,
Verdensem episcopum de Saxonia, deditque ei potestatem,
ut de omnibus causis Ytalie, tam de principalibus quam de
litibus appellationum, sua vice cognosceret easque legitimo
tramite limitaret. Qui et ipse partim Laude partim in
alius tam Longobardie quam Marchie civitatibus sapienter
et moderate mandatum imperatoris adimplevit.
Nunc de qualitatibus tam serenissimi augusti quam aliorum
principum suorum aliquantisper prelibare lectores obsecro,
ne absonum vel inutile reputent.
|
1
5
10
15
|