: Epistolae latinae anonymorum auctorum

Pag 264


Supplico, domine, quatenus ad expeditionem petitionis mee, cum accelerationis,
si placet, adhibitione propitia, laboretis ex corde. Nam magistra
laboris impensio non preteriret inanis et positus in statu tutaminis utriusque
hominis supplicans positori non erit ingratus, qui, nullis vitatis laboribus
vel expensis, et eius aggredi et toto conamine prosequi difficilia
quantumvis imperia non paveret.


… amicus … amico.
Collegi de vobis, prima visione, fiduciam, ut viri prudentis officium et
diligentis amici studium, probabili semper experimento, profectuum in
vestra conversatione reperiam, cui placide promissionis affectum familiariter
obtulistis. Confisus ergo de benivolentia vestra precipue, dominum …
super exequtione litterarum domini comitis, quas sibi pridem super negotio
meo, vobis presentibus, assignavi, fiduciose requiro attente vos deprecans,
quatenus super utili et efficaci consummatione ipsius negotii, quam
a vobis specialiter recognoscam, consilium vestrum utile et evidens auxilium
impendatis.

Torna all'inizio