uexillum de regno Sicilie, per aliud de ducatu Apulie, per tercium de principatu Capue
inuestiuit. Hic autem amore regis W[ilhelmi], precibus etiam et studio Maionis ammirati
et Ugonis Panormitani archiepiscopi interueniente, Agrigentinam et Mazariensem ecclesias,
que ad ius Romane ecclesie specialter pertinebant, ecclesie Panormitane subiecit, et earumdem
ecclesiarum episcopos eiusdem ecclesie guffraganeos in perpetuum esse concessit. Quo
facto Adrianus papa in Campaniam rediit. Rex autem plures de inimicis suis de regno
expulit, quosdam in carcere posuit, quosdam in sua gratia et amore recepit. Dehinc Symonem
senescalcum, cognatum Maionis ammirati, magistrum capitanium Apulie constituit,
ipse uero tanta potitus uictoria, cum ammirato in Siciliam rediit. Non multo post tempore
magnum stolium preparauit, et ipsum cum Stephano ammirato in Romaniam misit. Qui
ad Egripum ueniens, maximum stolium Emmanuelis imperatoris ibidem preparatum inuenit.
Cum quo uiriliter decertauit et ipsum deuicit, multos de Grecis cepit, stolium combussit,
Egripum et uicinas ciuitates expoliauit et sic uictor in Siciliam rediit. Imperator autem
cognoscens multos de suis a rege Sicilie captos, nec posse cum eo de pari contendere, missis
frequentibus nuntiis, cum rege concordatus est, et pacis federa sunt hinc inde iurata. Eodem
|
|