et commemoracione nostri magistri ac rethoris necnon oratoris
domni Authperti venerandi abbatis Beati Vincencii, nostri posteri
cognoscant esse peracta. quisque lector huius membrane semper
in ea nostrum cognoscat sigillum.
Et quia his temporibus imperator Carolus, postquam Papiam
ceperat, eciam omnem Italiam sibi subiugaverat, Pipinum filium
suum Italie regem constituens, ipse in Franciam regreditur. Pipinus
ergo cum esset armis strenuus, fidei devocione et iusticie dileccone
Deo amabilis, curam agens sacrarum reipublice et iura
ecclesiarum, dum per totam Liguriam atque Emiliam Adriaticas
urbes peragrans, in Pinnensem et Apruciensem devenisset comitatum,
ex inclita dote et possessione ipsius territorii contulit
precepturn monasterio Christi martyris Vincencii, cuius textus iste
habetur.
|
|