MIRACULUM SANCTORUM PRO QUO ECCLESIA SANCTE BALBINE
EDIFICATA EST IN ABEGE.
Quod a probatissimis patribus fida relacione didicimus, oportunissime
<compendioso sermone> hic inserend<um>, censuimus,
et hoc celebri fama longe lateque vulgatum, <ad nos quoque
olim delatum>, populi ora centenis laudibus sonant.
Patres quidam Rome gracia oracionis perrexerant, quibus studium
erat continuis precibus semper querere Deum, et limina
sacra lustrare luminum mundi, ut sibi et sociis deferrent munera
Dei. ergo sue devocionis officiis consumatis, celitus sibi oblatas
sanctorum martyrum reliquias <a quibusdam> acceperunt, et preciosis
involuta tegminibus sue pastorali pere indiderunt, ac verso
itinere huc redire ceperunt, debitum illis sancte servitutis officium
per longi spacium itineris sedule exhibentes. at ubi in sue possessionis
loca pervenerunt, iuxta fluvium scilicet Calidum, quo inter
Balvensem et Furcunensem comitatum divisio esse videtur, sub
unius umbra arboris lassi residentes, longi laboris onera bene
sibi placita quiete relevabant. tunc sanctorum reliquias in ipsius