advocationis pertinere noscuntur intendatis,
et pareatis eidem tanquam advocato
in terris ipsis per nostram Excellentiam
constituto.
Cap. XXII.
Concessio officii Capitaniae et Justitiariatus.
Cum post sedatos jam fluctus bellicae tempestatis,
cujus inter nos hactenus aura
contraria cultum pacis et fructum justitiae
pervertebat, praecipua vos cura sollicitat
qualiter circa bonum statum regionis ipsius,
sub umbra nostri dominii tranquillitatis et plenae
securitatis profectura succedant bona. Ecce
C de N. dilectum familiarem nostrum et fidelem,
de cujus providentia et legalitate confidimus
ab experto, in Capitaniam et justitiariatum
ipsarum partium duximus statuendum.
Quocirca fidelitati vestrae firmiter praecipiendo
mandamus: quatenus, de omnibus et singulis,
quae ad ipsius Capitaniae et justitiariatus
officium spectare noscuntur, eidem C. Decaetero
ad honorem et fidelitatem nostram devote
parere et intendere studeatis, tanquam Capitaneo
et justitiario ipsarum partium, per
nostram Excellentiam ordinato.
Cap. XXIII.
Concessio officii Judicatus ad certum tempus.
Notum facimus fidelitati vestrae, quod nos
confisi de prudentia et legalitate A. concivis
vestri, de cujus fide et sufficientia