XXVI.
DE COLORIBUS SENTENTIARUM
Verborum coloribus expeditis, sententiarum colores
breviter percurramus, quia non solum verba, sed
etiam sententias convenit exornari.
1. DISTRIBUTIO
Distributio est in res plures aut personas
quedam negotiorum certa partitio, ut: Beati pauperes
spiritu; beati mites; beati qui lugent etc.;
et hec exornatio est valde copiosa, quia breviter
plurima comprehendit.
2. LICENTIA
Licentia est quedam grata reprehensio in maiores,
hoc modo: Propter vestram potentiam plurimi vos
contemnunt .
3. DIMINUTIO
Diminutio est quedam sententie atenuatio
causa benivolentiam comparandi, ut: Ego autem sum
minimus apostolorum, qui non sum dignus apostolus
nominari .
4. DESCRIPTIO
Descriptio est que rerum consequentium expositionem
continet cum perspicua et dilucida gravitate,
hoc modo: Nisi dominus obstiterit huic tyranno ,
|
|