singulae regni partes complentur, quaelibet
terra sua deplorat incommoda, et quae cladis
praeteritae non palpavit incendia, ex jugi et
continuo Gallicorum transitu violentos incursus
ex afflictionum jaculis offenditur impraevisis.
Namque cum iis, qui castra sequuntur, fides et
pietas nulla insit, naturam sapiunt ignis et fulguris,
ut videlicet omnia, per quae transeunt,
loca contaminent, et quos ita subito nequeunt incinerare
subactos, ad instar ignitae materiae denuo
partes contiguas comprehendentis adurunt.
Cap. XVI
Karolus, mores consuetudinesque regni a Gezolino
de Marra edoctus, ipsius consilio, novos officiales
legit, novasque vectigalia incolis imponit, qui,
quum ab illis vehementer essent oppressi, suam
incostantiam deplorant, et ad recuperandam libertatem
animos convertunt.
Ad haec rex praedictus de tam glorifico triumpho
magnificus, ut de regnicolarum moribus, regnique
consuetudinibus se informet, quosdam regnicolas,
qui penes Manfredum officiorum administrationes
et justitiam ministeriose concesserant,
in sui familiaritatem advocat et receptat,
inter quos quidam Barolanus praecipue nomine
Gezolinus de Marra, cujus progenitores de montibus
Amalphiae traxerunt originem, ad tractatus
rerum domesticarum regalium familiaris admittitur.
Hunc ratiociniorum experientia, et longa
multarum commissionum regalium officiositas
regi reddebat acceptam. Hic regestra proventuum
regni, et singulorum officiorum, ac officialium,
et per diversa ipsius regni loca particulariter
ponendorum habebat; in quibus non solum jurisdictiones
et jura regia, per quae felices reges,
contenti dumtaxat eisdem, suos feliciter conservabant
honores, memoriter erant inserta, sed
omnes angariae, parangariae, collectae, talliae,
daciae, contributiones, et modi exactionum innumeri,
quibus regum nefandorum impietas miseros
regnicolas opprimere ac necare didicerat,
studiosius fuerant rubricati. Hujus Gezolini
consilio et suggesta rex, quem regum praedecessorum
suorum vitam, et vivendi modum sequi,
ac mores eorum probabiles non pudebat habere,
legem ponet regnicolis, novosque secretos justiciarios,
admiratos, prothoncios, et comites,
portularios, duanerios, et fundicarius, magistros
siclarios, magistros juratos, bajulos, judices,
et notarios ubique per regnum, et supra
hos majores praepositos statuit. Hi, religione
juramenti, quod in officiorum susceptione consueverunt
praestare, praesumtuosis ausibus violata,
ubilibet subjectos gravant indebite, ac, eis
importabilia onera imponentes, emungendo plus
debito cruorem eliciunt et medullas. Provocantur
regnicolae duris et diris oppressi flagitiis, et jam
mente corrupta violantur interius, ac quilibet
inter se specialis excogitata fraudis machinatione
corrumpitur, et prae novi timore dominii
|
|