dominica inchoetur hystoria Vidi dominum , sed tamen interualla non nisi
post kalendas incipiant. Si uero quinta uel sexta feria uel sabbato kalendae
extiterint sequente dominica inchoetur hystoria et lectiones ex prophetis;
lectiones uero grandes et interualla mox post festiuitatem inchoentur.
Ab hac festiuitate usque ad quintam feriam ante Pasca, nisi duodecim
lectiones aut octauae fuerint, canantur priuatis diebus post orationes
ante nocturna officia triginta psalmi ab Ad dominum cum tribularer usque
Omnis spiritus laudet dominum . Primi decem pro defunctis sine Gloria ,
sequentes decem pro congregatione bini cum una Gloria , extremi decem
pro familiaribus et benefactoribus et hi bini cum una Gloria , singuli
cum precibus et collectis suis. Et post Nocturna et familiares psalmos
officium mortuorum et Matutinae Laudes de Omnibus Sanctis et Verba
mea si tricenarium habent. Post haec descendentes a dormitorio sedeant
in choro. Infantes in capitulo cum luminaribus diligenter a magistris
custodiantur canentes quod necessarium erit aut si nimis profunda nocte
surrexerint pausent iacentes ad sedilia sua. Isto interuallo debet prior
cum absconsa accensa per chorum ire ac uidere quam regulariter sedeant,
deinde per altaria et membra monasterii, ne forte aliquis ibi dormiat.
Si uero aliquem orantem inuenerit silenter pertranseat. Quod si aliquem
dormientem reppererit, euigilato in chorum signo facto reuerti praecipiat.
Deinde debet per claustrum et in capitulum ire ac uidere, qualiter se
|
|