camera multa et diuersa significata habet per duas litteras,
contentas in ea; sicut camera B C multa et diuersa significata
habet per B C; similiter camera B D multa et diuersa significata
habet per B D, etc. Et hoc iam patet in alphabeto ante dicto.
In qualibet camera sunt duae litterae, in ea contentae; et ipsae
significant subiectum et praedicatum. In quibus artista inquirit
medium, cum quo subiectum et praedicatum coniunguntur; sicut
bonitas et magnitudo, quae coniunguntur per concordantiam, et
huiusmodi. Cum quo medio artista intendit concludere et propositionem
declarare.
In ipsa figura significatum est, quod unumquodque principium
cuilibet principio attribuitur; sicut B, cui attribuitur C D; et C
attribuitur B D, etc.; ut patet in figura. Ratio huius est, ut
intellectus cum omnibus principiis cognoscat quodlibet principium,
ut ad eandem quaestionem deducat multas rationes.
Et de hoc uolumus dare exemplum de bonitate; de qua
subiectum faciemus, de aliis autem principiis praedicatum: Bonitas
|
|