Eorum fratri et amico carissimo…. illi duo connomii Nicolaus de Rocca
et Nicolaus de Sancto P. salutem quam amor in fratribus et caritas exigit
in amicis. Per Nicolaum de Rocca.
Votum vestrum sub pulchra verborum seu placida coloratione transmissum
exauditionis ad gratiam libenter admisimus, velut qui cordis
vobis et nominis idemptitate conformes in nobis ipsis retinere confidimus
quod alter in alterum mutua reciprocatione transfundit, nec excitari quesivimus
adiectione calcarium, ubi de vestra non minus quam propria
melioratione solliciti tanquam votivi nobiscum habere contiguum quem
animo diligebamus absentem, priusquam nobis in lucem vestra petitio
prodiisset, effectum sibi dedimus quem querebat. Nondum etenim
pagina quam misistis legationis sue metas attigerat, cum, adventu vestro
ad curiam Cesaris per nostram instantiam procurato, vocationis ad vos
littere, quas iam recepisse vos credimus, emanarant ut inter quos binarius
numerus imperfectus quodammodo videbatur, per aggregationem
tertii quem ardenter appetimus, extremitates imperfecti cuiuslibet trinitas
|
|