CLXXXX.
Littera commendativa.
Universitati vestre G. latorem presentium virum litteratum,
providum et honestum, quem ad subdiaconatus ordinem
promovimus commendantes, vos pro eo rogamus, ut ipsum ad
ministrandum in ordine suo velitis recipere, et ad maiores,
vel beneficia, si voluerit, ecclesiastica de nostra licentia promovere.
Ad cuius rei notitiam et cet.
CLXXXXI.
De imperatore ad subditos.
Fredericus Dei gratia Romanorum imperator et semper
augustus universis suis fidelibus de Romaniola salutem et
suam gratiam et bonam voluntatem. Dilectionis vestre tamquam
nostrorum fidelium memores existentes, ut sub imperialis protectionis
postitis benivolentia pacifice gubernari, A. fidelem
nostrum per totam Romaniolam nostrum duximus vicarium
ordinandum, de quo vestra potest devotio gloriari ex eo, quod
propter ipsius merita bonitatis vestris honoribus et utilitatibus
providetur. Quapropter vestre fidelitati mandamus, quod dominum
A. curetis recipere sicut expedit reverenter, et in his
que ad suum officium pertinere noscuntur eidem obedire sic
in omnibus studeatis, quod in ipsius persona quanta sit
vestra fidelitas nostra gloria recognoscat.
CLXXXXII.
De papa ad capitulum pro receptione canonici.
Gregorius episcopus servus servorum Dei, dilectis in Domino
filiis canonicis Bononiensibus salutem et apostolicam benedictionem.
|
|