secundum papam constituit. post menses autem .VIIII. prędictus
Benedictus pontificatum mensibus .VIII. recuperavit.
Damasus post hęc sedit dies .XXIII. post quem extitit pręsul
apostolicus Leo Magnus Teutonicus. inde Victor Noricus.
tunc Stephanus VIIII. demum Benedictus Belliternensis episcopus,
qui post menses .VIIII. expellitur, et Nicolaus Allobros
qui Burgundio dicitur papa eligitur. hic quippe venerabilis pontifex
cum omnia superius denotata optime didicisset et cognovisset
multotiens sub maxima intentione et cleri populique dissensione
plurimos pontificum Sedem apostolicam olim subripuisse,
et, quod deterius est, pecuniis eam opthluisse, vel in seculari invasisse,
propter pacem et concordiam unitatemque sacerdotalis
dignitatis et,fastigii imperialis generale congregavit concilium, in
quo ut cuncta supra commemorata et inique exhibita destruerentur
et ne quicquam eorum a quovis in posterum fieret, hoc sanctum
studuit decretum firmissime statuere:
« In nomine domini Dei salvatoris nostri Ihesu Christi. anno ab
incarnatione eius millesimo .LVIIII., mense aprili, indictione .XII.,
pręsidente quoque reverentissimo ac beatissimo Nicolao apostolico
viro in basilica Lateranensis patriarchii quę cognominatur
Constantiniana, consedentibus etiam rcverentissimis archiepiscopis,
episcopis, abbatibus seu venerabilibus pręsbyteris atque diaconibus,
idem venerabilis pontifex auctoritate apostolica decernendę
electionis summi pontificis inquit:
Novit beatitudo vestra, dilectissimi fratres et coepiscopi, inferiora
quoque Christi membra non latuit, defuncto pię memorię
domno Stephano decessore nostro, hęc apostolica Sedes,
cui Deo auctore deservio, quot adversa pertulerit, quot denique
per symoniacę heresis trapezitas malleis crebrisque tunsionibus
subiacuerit, adeo ut columna Dei viventis iamiam pene videaretur
concussa nutari, et sagena summi Piscatoris procellis intumescentibus
cogeretur in naufragii profunda submergi. unde,
|
|