monasterio res suas in pertinentia de Gaviniano, idest domum
infra ipsum castellum, et alias plurimas res cum silva in Ruiano,
et ad fontanam de Cerreto, et in pantano de Gaviniano, et in
Kasarini. item, Lioto pręsbyter filius Iohannis de Scage cum
consortibus suis concessit huic monasterio res suas in Escagę, et
in Rocca, et Caput Tyberis, et Forfungi, et Geniperito, in opus
Sancti Nicolai de Forfungi.
Igitur prędictus domnus Berardus Florentinus abbas secundus
in huius pręlatione regiminis confirmatus, eos qui pro illo de istius
honore abbatię studuerunt, exosos habere cępit et a se repellens
abiecit. quibusdam etiam plurimas iniurias irrogavit. quosdam
vero illorum Deus percussit et morte detestabili ac repentina
obire fecit. denique Sarracenum qui habitum monachicum amiserat,
et Iohannem quemdam Langobardum qui noviter conversatus
fuerat, huius negotii mendacissimos auctores, absque penitudine
vidimus interire, et sine sancta communione infra dies plus minus
decem vel menses .III. post illius honoris sublimationem. attamen
idem abbas post aliquantum tempus hoc fieri annuit cartarum mirificum
opus, sicut in pręphatiuncula eiusdem operis veraci stilo intimavimus.
[non tamen ad illud perficiendum aliquid sumptus
tribuit, quoniam tenacissimus extitit. veruntamen scribentem honorifice
se prius diligere finxit, et ex cibariis suis plurimum honoravit,
atque in obsequiis ebdomadarum agendis pepercit. in vestimentis
vero vel eius aliis oportunitatibus non benignus sed nimis
erga illum extitit pigerrimus. non multo post autem, sicuti
servum inutilem illum habens, velut exiguum mercennarium superflue
minabat, et in tantum affligebat variis fatigabilibus, tyrannicis
ac importabilibus iussis, plurimisque molestiis angustiabat,
ut et opus et hoc monasterium desereret et in aliena cęnobia
tamquam vagus ac profugus pergens secederet. ipse tamen
|
|