Adalbertus Samaritanus: Praecepta dictaminum

Pag 34


sapiens in suis epistolis. Hic usitatus modus est locutionis
in concionibus, nos quoque hoc per singula demonstrabimus
in sequentibus.
Que a maiori ad minorem mittitur, ob duas similiter
causas exilis dicitur; vel quia descendit vel quia unum tantum
habet accidens: imperium in domnis, in aliis maioribus personis
petitionem continet. At si quis contra asserat maiores
quoque personas et domnos persepe blandiendo postulare,
respondendum est, quia tunc non servat ordinem sue dignitatis;
eo enim ipso, quod postulat, inferior esse monstratur. Omnis
namque postulans minor est eo, quod postulatur.
Que vero a pari ad parem epistola scribitur, mediocris
idcirco dicitur, quia inter sublimem et exilem media nec
ascendit ad superiorem nec descendit ad inferiorem, sed servans
parilitatem duo in se continet accidentia: blanditiem et petitionem;
atque hoc hactenus, nunc de salutationibus succincte
tractemus.
C
Salutationes, ut diximus, epistolis preponende diverse
secundum diversitatem personarum sunt adhibende. Aliter
enim ecclesiasticas, aliter seculares salutamus personas. Item
ecclesiasticarum multe sunt differentie, nam aliter salutamus
honore fulgentes, aliter nulla dignitate sublimatos, aliter canonicos,
aliter monachos, aliter episcopos, aliter abbates; alium
laudamus de sapientia, alium de religione, alium de utroque.

Torna all'inizio