sedis magnitudinis in excelsis. Ecce Paulus hunc pontificemquem
tu nuncupatiuum deum et adoptatiuum filium perfidiae
fingis somno consopitus, filium in aeternum perfectum consedere
in dexteram sedis magnitudinis in excelsis testatur. Et non solum
sedere sed et signanter consedere, hoc est simul cum patre sedere
perhibetur. Cuius te interrogo uesaniae infelix impio stupore denudas
adtonitum? Ita in prumpto patens utrumque latus sylogisticis
praebes cornibus fodiendum, quatenus nulla ex parte flexuosis
elucubratim senibus eliciens uiuus euadere possis. Nam cum nuncupatiuum
et uerum deum, adoptatiuum et uerum filium falsissima
unum Christum pronuntiare lingua causaris, quattuor nihilominus
introducere infamaris personas, cum trino deus tantomodo
numero in personarum gaudeat discretione et indiuiduo in sacramento
inseparabilis essentiae recipiat unionem. Nuncupatiuus etenim
et uerus, proprius et adoptiuus, non naturalia sed personalia
nomina esse quis ambiget? Numquidnam catholicum bonumque
tibi uidetur, ut duo dii duoque filii in dexteram patris sedeant in
excelsis? An quod est perfidius omnes perfidiae et nequius uniuersae
nequitiae, scelestissimo ausus es ore garrire, quatenus trinum
unumque deum quadripertita distinguere sectione nitaris? Porro
non est scriptum 'sedete' sed 'sede'. Trinus namque numerus
diuidi nequaquam potest, et tamen tres unum sunt, eo quod sancta
trinitas inseparabilis perseueret. Quadrus uero numerus secari se
per medium absque ulla contradictione permittit, unde et a mysterio
ineffabilis trinitatis alienus existet. Habet interim in se, eo
quod basis sit tetragoni, sacratius sacramenti figuram sed a trinitatis
omnimodo societate exsortem. Vnicus igitur est qui sedet ad
dexteram patris quique ex paterno utero ante luciferum et ex
uirginis uulua in tempore genitus Christus Iesus dominus noster,
uerus deus uerusque filius dei,quemadmodum Marci euangelistae
lucidissimo declaratur oraculo. Et dominus inquit Iesus, postquam
locutus est eis, assumptus est in caelum et sedet ad dexteram dei.
Quur non confunderis dominum Iesum Christum sedentem in
dexteram patris nuncupatiuum deum et adoptatiuum filium confiteri,
cum nulli alio nuncupatiuo deo pater dixerit: Sede a dextris
|
|