Petri Cantinelli: Chronicon

88


ad honorem summi pontificis et sancte romane ecclesie et domini archiepiscopi Ravennatis.
Item, eodem anno, die dominico XII mensis maii, supradicti domini, cum eorum exforcio,
equitaverunt ad civitatem Imole, ibique congregaverunt magnam quantitatem equitum et peditum,
et, die lune sequenti, equitaverunt versus Castrum Sancti Petri in comitatu Bononie
usque ad S. Stephanum in Quaterna, et supra stratam usque ad Varegnanam, capientes omnes
homines et aliquos occidendo, et predam magnam bestiarum Imolam conducentes.
Demum, die martis tunc sequenti, venit maxenata civitatis Ariçii in quantitate equitum
ducentorum proborum virorum, et etiam dominus Galasius comes Montisferetri capitaneus
civitatis Cesene, cum militibus ipsius civitatis et bona quantitate peditum, similiter et de Forlivio
et comites de Castrocario, in civitate Imole congregantes. Illi vero de Bononia, tam
milites quam populares, venerunt ad Castrum Sancti Petri, ibique castrametati sunt.
Item, die mercurii tunc sequenti, equitavit predictus Maghinardus, cum quantitate militum
et peditum, ad locum, ubi dicitur Aquavia; et castellare antiquum, ubi erat plebs
Aquavie, fecit infortiari de bonis fossis et stechatis, posuitque ibi equites et pedites ad custodiam
faciendam, ad hoc ut comune Bononie non haberet viam ad mittendum subsidium illis,
qui morabantur in castro Masse Lonbardorum.
Item, die veneris sequenti tunc, suprascripti domini capitanei, cum tota eorum gente in civitate
Imole congregata, equitum, peditum et balisteriorum, exeuntes ipsam civitatem, perexerunt
versus Castrum Sancti Petri, ubi erant populus et milites civitatis Bononie, feceruntque
tres acies militum et peditum, et unam fortem et bonam aciem, quam antecedere fecerunt ad
incipiendum prelium cum predictis. Miseruntque nuncios suos ad Bononienses quod parati
erant preliari cum eis in bello, qui penitus renuerunt, et posuerunt acies eorum usque ad locum,
ubi dicitur Tuscanella, et trunbatores et tanburellos ire fecerunt [usque ad flumen
Selaris, ubi Bononienses castrametati erant, et ibidem castra posuerunt ad occasum solis:
quibus omnibus sic peractis, supradicti Romandioli, revolventes acies eorum, magnifice cum astutia,
Imole rediere. Quod ad dedecus et verecundiam Bononiensibus successum extitit
]…..
………………………………………………………………………………………….
[ Item, anno domini M.CC.LXXXXVIII, Malvixinus comes de Bagnacavallo equitavit cum
sua forcia, eques et pedes, in comitatu Imolae, et fecit magna incendia domorum et albergorum,
propter inimicitiam, quam habebat cum comitibus Cunii
. Et venit ad castrum]…..
quod castrum erat comitis Alberici de Cunio, et ibidem fecit dari magnum prelium, et, in
ipso prelio, vulneratus fuit Raulis filius domini fratris Çanbraxini de Çanbraxiis cum una
lancea in cossa, ita quod, ex dicto vulnere, mortuus est. Et tunc illi de Lugo occurrerunt
in servicium dicti comitis Alberici, et eiecerunt dictum Malvixinum et quos cum
eo erant, ita quod multi de suis mortui fuerunt et vulnerati et capti. Et dictus Raulis sepultus
fuit, die iovis XVI ianuarii, apud locum fratrum Predicatorum de Faventia; occasione
cuius mortis, et propter dolorem et angustiam, quam habuerunt homines de Faventia, multi

Torna all'inizio