aliquam fecit vel aliquo titulo acquisivit de possessionibus bonis et
iuribus predictorum infra. XX. dies a publicatione presentis constitutionis
numerandos nobis et nostre Curie debeat in scriptis deferre,
alioquin a dicto termino inantea dicte venditiones alienationes et
acquisitiones pro nullis habeantur et nullius sint momenti et exnunc
prout extunc eas iam factas et que fient in futurum cassamus et irritamus
et eas esse decernimus inutiles et inhanes.
[XXXV] Item statuimus, ordinamus et precipimus quod Peppus
Çuffolli, Benatus Rodulfi, dominus Balduinus Nicholay Balduini, Arnolfucius
domini Mathei, Palmerius domine Fusce, Bartholinus de
Palatio, Iohannes Soldaderius, Gregorius de Aldrovandis, Iacobus
Raynerii, dominus Girardus domini Aycardi, Guelfus de Açardis,
Anthonius domini Açardi, Ugolinus et Almericus de Rustigellis, dominus
Paucantra Raynerii, Milonçus de Milonçis Franciscus comitis
Rodulfi, Albertus Bassanus, Cavalerius eius frater, Petrus Stulti, Ardolus
Milonçolus, Leonardus domine Guglesche, Petrus Novellus,
Gauçolus Vallis, Sanctus condam Marcucci, Andreas Tachus, Amaçabò
notarius, Bonaventura Petri Blachi, Çambonus Diviti, Petrus Bonensegne
et Tassonus de Perfelixiis omnes de civitate Çesene confinati
et singulariter omnes et singuli confinati et etiam alii quicumque tam
de civitate Forlivii, Çesene quam de aliis terris in rebellione Ecclesie
existentibus, si infra festum Pascati Resurectionis Domini proxime
non venerint et steterint ad mandata domini pape Romane Ecclesie
et nostra et a confinibus sibi datis per comunitates rebellium recesserint
ab inde in antea habeantur pro perfidis bannitis et rebellibus
Ecclesie et licite et impune possint a quibuscumque offendi ubique
et eos exnunc prout extunc infideles et rebelles Ecclesie decernimus
et eorum bona Camare Ecclesie Romane publicamus; et insuper omnibus
penis contra rebelles promulgatis eos decernimus subiacere.
[XXXVI] Item statuimus et ordinamus quod possessiones vel
iura illorum qui ad mandata domini pape Ecclesie Romane, et nostra
venerint et venient in futurum, non vendantur nec alienentur per
aliquas comunitates sive rectores civitatis vel locorum vel aliquam
singularem personam de predictis civitatibus vel locis, que sunt in
rebellione Romane Ecclesie; et quod aliqua persona que sit in rebellione
Romane Ecclesie de possessionibus et iuribus predictorum, qui
ad mandata venerunt et venient in futurum, non debeant emere nec
alio modo vel forma acquirere, nec aliquis rector sive comunitas sive
aliqua persona rebellis vel in dictis civitatibus et locis rebellium
|
|