Lotharius cardinalis (Innocentius III): De miseria humane conditionis

Pag 84


lumen»; et alibi: «Impii in tenebris contiscescent».
Septima confusio peccatorum: «Tunc enim, ut legitur,
erunt libri aperti», id est conscientie hominum erunt omnibus
manifeste. Octava horribilis visio demonum, qui videbuntur
in excussione scintillarum de igne ascendentium.
Nona ignee catene, quibus impii singulis membris astringentur.
/*
(2) Prima est concupiscentium, secunda malitiosorum, tertia
luxuriosorum, quarta invidorum et odio habentium,
quinta eorum qui in hoc seculo per flagella non meruerunt
castigari, quia «exacerbavit Dominum peccator, secundum
multitudinem ire sue non queret», sexta eorum qui in tenebris
ambulantes ad lumen verum, scilicet Christum, venire
contempserunt, septima confitentium peccata sua et
penitentiam contempnentium, octava eorum qui libenter
in hoc seculo vident mala et faciunt, nona eorum qui per
singula vitia sunt defluxi, qui ambulant in desideriis suis et
eunt post concupiscientas suas.
VIIII
De igne gehennali.
(1) Ignis gehenne nec lignis nutritur nec flatu succenditur,
sed a Deo creatus est inextinguibilis ab origine mundi. Sicut
scriptum est: «Devorabit eum ignis qui non succenditur».
Creditur autem esse sub terris, secundum illud propheticum:
«Infernus subter conturbatus est in occursum adventus

Torna all'inizio