Imperator vero per quinque dies ibi moram faciens postea
discessit Laudeque cum omni eius exercitu reversus est. Cremonenses
vero ac a Teutonici in castello imperatoris et in omnibus
ipsorum manganis et pretheriis seu gattis ac machinis
ignem apponentes omnes exarserunt; que omnia, quamvis per
longum tempus fabricata fuerunt et ultra duo milia marcharum
argenti in eis erogatum fuerat,-quia tamen est, quod omnis
creatura revertitur ad suam naturam- in parvissimo tempore,
utpote ex pulvere creata, in pulverem redacta sunt.
In sequenti vero die Mercurii, in quo fuit festivitas beati Blaxii
martiris et que fuit tercio die mensis Februarii, Cremonenses
omnes reversi sunt Cremonam. Imperator deinde cum omni
suo exercitu Papiam perrexit.
Sed ea tempestate magna discordia erat inter papam
Victorem, qui prius vocabatur Octavianus, et R[olandum]
cancellarium, qui in electione sua vocatus fuerat Alexander,
qui similiter ad papatus honorem levatus erat. Ob quam
dissensionem imperator olim mandaverat suos legatos, scilicet
|
1
5
10
15
|