et omnes eo perducis, ut si quid in eis defectus
sit, cum tui fuerint, totum suppleat carissima
atque clarissima amicitia tua quam colunt, et
ex minus dignis, dignissimos facis: minus
dignos uoco, quibus scientie sermo datus non
est.
Preterea Abbatem de Cauanna heri noueris
applicuisse Florentie, ab insulso Abbate suo,
Umbrose uallis preside prius ad preces tuas et
Episcopi nostri efficacissimam intercessionem
preelectum et prelatum omnibus, mox ad inconstantie
sue morem, depressum sine causa
et abiectum. Damus operam ut aliquid ab eo
gratie, quamuis in diem tertium abolendum
impetrare possimus. Longum uale, precordialissime
domine mi, et me iugiter queso tuis
cogitationibus addice.
Florentie die XXVIII Augusti.