qualitas habitus, ipsum amictu decoris adornat. Nam legis armatus
peritia digesta digerit et codicis scrupulositates elimat, dum, in
quadrigis sedens Imperii, superemergentes quoslibet casus et causas
in libra iudicii quotiens apponderat et appendit, totiens eos dirimit
et decidit, quasi veritas sub nube non lateat, que videntibus non
celatur: angelum se fore sanctum lucidius representat. Hec fuit itaque
vinea, quam philosophie manus multo sudore plantavit et coluit, ipsam
sue irriguitatis amenitate fecundans, in qua tabernaculum eruditionis
erexit, ut ex eo mentes indocte doctrine reciperent spiritum, et ex
eius fructu mellifluo biberent sitientes. Hec est vinea, cuius radices
grandis aquila in terra negotiatorum, de Libano asportatas, secus
decursus aquarum cum diligenti prudentia transplantavit; ad cuius
|
|