Romualdum in contentione mollescere crimenque fratricidii medullitus
formidare, minari cępit exheredem facere, si in eadem diutius
sententia permaneret. Quid plura?. Tandem utręque
inimicantium partes ex urbe ad litis materiam proruunt, arma corripiunt,
bellum sotiale committunt: et dum comminus hinc inde pugnatur,
repente manu Sergii inimicus occiditur. Romualdus
autem licet nullum perempto vulnus inflixerit, quia tamen
interfuit, pęnitentiam tanti reatus accępit moxque ad Classense
monasterium beati Apolenaris, more homicidarum diebus .XL.
permansurus in luctibus, properavit.
|
1
5
10
|