Lanfrancus Ticinensis: In omnes epistulas Pauli commentarii, cum glossula interiecta

Pag 105


6 B. LANFRANCI in Epistolas D. Pauli Commentariorum
meminit S.
ANSELMUS lib. I epist. 57,
in fine, scribens eidem Lanfranco.
Epistolas B. Pauli vestro mandato libenter parentes
vobis mittimus: sed quoniam quod in eodem
codice de vestro opere est, alibi non habemus,
satis scire potestis quid vos aliquando factum ire
desideremus.
PETRUS LOMBARDUS IN EPISTOLAM ad Hebraeos, cap.
VIII, citat B. Lanfrancum .
Ad haec verba ( si ergo esset super terram, nec esset
sacerdos,
etc.). Quasi dicat: Et quia omnis sacerdos
offert; ergo si esset aliquis super terram, id est
si esset aliquis terrenus sacerdos, qui posset mundare
genus humanum, nec esset aliquis sacerdos secundum
ordinem Melchisedech; cum satis essent qui offerrent
munus secundum legem, id est, qui offerrent legalia.
Sed quia illi mortales erant, et peccatores, et ideo
mundare humanum genus non valentes, venit Christus
qui sufficeret. Velita; Si ergo , etc. Quasi dicat: Et
quia Christus constituitur ad offerendum: ergo vel est
terrenus, vel coelestis sacerdos; sed terrenus non, quia
si esset super terram, id est: si terrenus esset pontifex,
ut Aaron, nec esset utique sacerdos in aeternum secundum

Torna all'inizio