veniebant, quicquid bonitatis helimosine et divini pabuli benigno ore
poterat in supeditando, insuper largitatis modum sue posibilita[ti]s
excedendo visceribus misericordie afluebat. Multimodis
denique carnalium voluptatum fomentis conflictu varii luctaminis
suam carnem pernimium affligentium superatis, humani generis
antiquus hostis considerans fortisimum agonistam sumi regis nullo
modo (prevalere vel) devinci, sugestione sue invisibilis imaginationis
transformavit se, versute .caliditatis ingenio, in discoloritatis
varie deceptionis monstro , insuperabili Dei servo quasi
inevitabilis s[u]e malignitatis laqueos moliendo, in mulierum
siquidem ille admodum eleganti forma sub obtentu religionis per
ipsam heremi vastitatem errantium viri Dei conspectibus importunum
sese ingessit, ut, quia erat nimie caritatis et misericordie,
quasi sub annuentis noctis articulo secum ipsas reciperet in
hospicio. Sed vir Deo plenus, exhibito primum solito caritatis
munere, tandem celesti respectus inspiracione, signo crucis
impresso, versucias respuit nephande milicie. Simili modo in specie
peregrinorum persepe inquirebat ofendere servi Dei vultum, quod
ipse, uti fortis miles Christi crebro tentationis iaculo valde exprobratus,
iam non solum ignaviter percavebat quin etiam
futuros inimice iaculationis asultus prophetico spiritu presciebat.
Cum ergo tante sanctitatis dignitate de virtute in virtutem sublimaretur,
in miraculorum exhi[bi]tione honorabilis si dici
potest qua in episcopatu. adhuc degendo laudabilis habebatur, et
qui se humanis visibus indefesso ardore divine contemplationis
abstraxerat, dulciflua angelorum visitatione frequentabatur emissoque
|
|