congruum erat ut qui Deum in choro laudare semper studebat
et timpano, precipuas modulationis armonicę consonantias,
diapason videlicet et diapente atque diatesseron, iugiter
in aures incircumscripti luminis personaret. Ieiunare autem
omnino, hoc est diem absque ullo cibo transigeret, licet
ipse sepissime fecerit, aliis omnimodo prohibeat. Dicebat
enim ad perfectionem tendenti hoc ad summe congruere ut
cottidie comedat et semper esuriat, quatinus hoc caro
per consuetudinem leviget, quod grave novitiis initio conversionis
apparet. Parvi pendebat autem si quis ad tempus
magnum quid inciperet, si non etiam in eo longanimiter perseveraret.
/*
Vigilias vero temperate et cum magna discretione faciendas
maxime suadebat, ne cui fortasse contingeret ut sopori, peractis
nocturnis officiis, consentiret. Sane huiusmodi somnum
vir sanctus in tantum habebat exosum, ut si quis ei confiteretur
post duodecim psalmorum vigiliam vel maxime circa
|
1
5
10
15
|