pape excommunicationem, contra Karolum, quem Ecclesia regem
Sycilie fecerat, insurgens, ad Theutonicos quos habuit quam pluribus
Lombardis et Tuscis adiunctis, pervenit usque Romam;
ubi cum imperiali more sollemniter receptus fuisset, associato
sibi senatore Urbis domino Henrico, fratre regis Castelle, et quam
plurimis Romanis, contra Karolum Apuliam intravit. Sed post
durum campestre bellum Conradinus cum suis terga vertentibus
capitur et a Karolo cum duobus nobilibus decollatur.
Quod magni venti hoc anno fuerunt, et in medio Aprili venit nix magna, postquam
venit pruina, que vineas destruxit.
Anno Domini MCCLXIX, indictione XII, in medio Aprilis
venit nix maxima, que duravit in plano per duos dies et duas
noctes. Et incepit nix venire in media nocte veniente die Dominico,
nec cessavit venire per totum illum diem, fortiter circa vesperas.
Et sequenti nocte venit pruina magna, et in alia nocte venit pruina
maxima, que destruxit vineas.
Et eo anno castrum Piçegulum destructum fuit per Reginos,
et Thoanum similiter fuit destructum et ad terram prostratum.
Et eodem anno fuerunt magni venti. Et eodem anno, in mense
Iulii, iverunt Cremonenses in obsidionem Rochette domini Bosii
de Dovaria, et dicta Roketta venit ad precepta communis Cremone;
et concordaverunt se cum communi Cremone, et fuit destructa
dicta Rochetta. Et eodem anno Nuceria, civitas Saracenorum
de Apulia, venit ad mandatum regis Karoli. Et eodem
anno, in mense Septembri, CC pedites de montanea cum militibus
et peditibus de episcopatu Mutine iverunt in Fregnanum pro
communi contra dominum Guidinum de Monte Cuculi, fratrem
condam domini Bonacursi, occasione rectificandi castrum unum
in servitio <illorum> de Serafinellis de eadem contrata Fregnani.
Et mortui fuerunt milites et pedites et capti. Et tunc venit comes
Maginardus cum maxima quantitate militum de Bononia et de
episcopatu in subsidium dicti domini Guidini; et ibi fuit magnum
prelium. Et ibi fuerunt mortui, capti et suspensi quasi omnes de
|
|